ငါ့ကိုယ်ငါမေ့ဖို့အတွက်
မျို . . . ချ . . . ခဲ့ . . . ရ
ငါ့ကိုငါတွေ့ဖို့အတွက်
အန် . . . ထွေး . . . ခဲ့ . . . ရ
အသားမကျတဲ့ညက စေးကပ်ကပ်နဲ့
ဖွယ်တယ်တယ်လဲ နိုင်တယ်
ခန်းစီးစတွေက ကက်သရင်ဇီတာဂျုန်းရဲ့ စကတ်တိုလို
ဝဲလိုက် ခါလိုက်
သူ့မိုက်ဂုဏ်နဲ့သူ ငြူစူတင်းမာ
ရုန်းထွက်ရခက်တဲ့ ကျော့ကွင်းထဲ
လက်ထိပ်ခတ်ပြီးဝင်ထိုင်ချ
လမ်းဘေးပလက်ဖောင်းတွေ ၊ ရေနွေးအိုးတွေ
အကြမ်းပန်းကန်တွေ ၊ ကျရည်ခပ်ပြင်းပြင်းတွေ
တစ်ခုမှ အလင်းမတွေ့ရဘူ . . . .
ကိုယ့်အမိုက်တိုက်နဲ့ကိုယ်
လကွယ်ညထဲ ကျွဲပြဲကြီးစီးလို့
ဆွတ်ဆွတ်မှောင်ဖို့အရေး မီးသွေးခဲနဲ့သွားတိုက်
ကြာညိုနံ့တွေ တဟားဟားနဲ့ပေါ့ . . . . .
ကန်တော့ပါသေးရဲ့ကွယ်. . . . . . . လို့ဆိုတဲ့
ချဉ်ပေါင်ရွက်သည်ကိုနှာခေါင်းရှုံ့ပြီး
သန်းကြွယ်သူဌေးမကြီးက စလင်းဘက်အိတ်ဖွင့်
မြန်မာငွေငါးကျပ်တိတိနဲ့ နိဗ္ဗာန်ပို့ပေးပါတဲ့
တစ်နေ့တာ အမြင်တုတွေထဲ ပြန် ပြန်ရောက်သွား
ငါ. . . . . . . . . . . . . . . . .
နဖူးကို အသာစမ်းရင်း ရင်တထိတ်ထိတ်နဲ့
ရင်ဘတ်ကိုပြန်ဖိ
“အင်း” . . . .
သက်ပြင်းချသံတစ်ခုနဲ့ ဇလုံးဗထွေးနဲ့လိမ့်ဆင်း
ငါ. . . . . . . . . . . . . .
. . . . . . . . . . . . . . . .
ဆက်သွယ်လို့ရပါသေးတယ်ဟ .. . . .. … .
ခင်ဗျား . . . . . အမြင်
ကျုပ် . . . . . အမြင်
သူ့ . . . . . . . . အမြင်
ငါ့. . . . . . . . အမြင်
နေ၀င် - နေထွက်/ နေထွက် - နေ၀င်
ဘာနဲ့အရင်စခဲ့သလဲ
မလိုအပ်တဲ့ဇီဇာကြောင်မှုတွေကို
ဘာတစ်ခုမှ အသုံးမ၀င်ပစ္စည်းတွေနဲ့
တစ်ယောက်တည်းအော်ပရာဝင်
နှစ်ပါးခွင် ၊ ပျက်လုံးထုတ်
နောက်ဆုံးတော့လည်း နောက်ဆုံးပေါ့
အသစ်စချင်ရင် စခွင့်ပေးတယ်
ကိုယ်လုံးပေါ်မှန်ရှေ့ရပ်နေတဲ့အတိတ်က
ဗလာကိုယ်ထီးနဲ့ တည်တည်ကြီးရပ်လို့
မြန်နှုန်းမြင့် အတ္တတွေကို ကားယားကြီးခွ
ဘယ်ညာဇက်ကြိုးတပ်ပြီး
တက်ကလုပ် ၊ တက်ကလုပ် ၊ တက်ကလုပ်
အဟုတ်အံ့သြဖို့ကောင်းတာ
ငါ့အပြန်ခရီးမှာ ဘာမှမပါခဲ့ပါလား
(ကျေးတော်မျိုး)
No comments:
Post a Comment